♪ قدوم ♥ خَـالِـْد ♥

.

الحـــمـــــد لله بشــــروني بمــــولـــود

يالله عسى كل السعد في قدومه

♥♥

جان الخبر مع تالــي ايامي الســـــود

وزالت عن قليبي بقايا همومه

♥♥

عجز لساني ينطــق الحرف معقــــود

عز الله اني ياجمــاعة مالومــه

♥♥

اثر الضنا غالي وانا واغليه في زود

من زود حبه صرت اقبل هدومه

♥♥

اخترت له اسمٍ مــع الناس موجـــود

سيف الله المسلول زود سهومه

♥♥

يارب انا راجــــــيك ياخـــير معـــبود

تجعلهِ في دينك قـــويه عزومـــه

♥♥

واجعـــلهِ لدينك ســـند فيك مســـنود

واجعل علوم الشرع كله علومــه

♥♥

ايضاً ولا انسى بنت الاخيار والجود

امٍ عليه احـــــن مني رحــومــــه

♥♥

زين الطبايع واضــحٍ فيها مشهـــود

قبيلةٍ حــــلوه وهــذي سلومـــــه

♥♥

والكــــــف لله دايم الدوم ممــــــدود

يصلح لي وليدي ولا اذوق يومه

.

๑سـر انـدفـاعـي๑

سـر اندفـاعي ياهـوى البال معـروف ... فيض الحنان اللـي بقلبـي كتمتـه

اربع سنين(ن) بين هقوات وظروف ... قلبي يتيم ومـن حنانـك حرمتـه

.

مـامـل قلبي راجي القـرب ملهـوف ... ياطول صبر(ن) لجل عينك صبرته

يمكن مـنـعني ياهـوى بـالـي الـخـوف ... عيـا لسانـي لا يقـول وعذرتـه

يـلـومـني قلبـي وابـادلــه بــحســوف ...يقول ضاع الحُــب ليتك كشفته

حبي وحبك صافي(ن) مابه زيـوف ... كل الغـلاء ذا ليـه عنـي منعتـه

ياسِعد عيني يومـــها دايــم تـشــوف ... صدق المشاعرمن خفوقك بعثته

اسمك بوسط القلب مكتوب بحروف ...ايضاً وفي اقصى خفوقـي نقشتـه

ليت الغلاء بالقلب للعين مكشـوف ...وتشوف قدر(ن) عالي(ن) لك رفعته

زود(ن) على حبي مواثيق وحلوف ... وشلون اخون الود يومـك حفظتـه

.

رثاء الشاعر (¨إبراهيم بن علي الجمحان¨)

كتبت شعري مثل غيري ابرثيه

بدموع عيني كمل القاف ماها

..
سبحان ربـ(ن) جاعل الناس تغليه

كلـ(ن) كتب شعره وكلـ(ن)قراها

..
وكل القوافي ضايعه في قوافيه

ليته قبل مايموت نفسه رثاها

..
مرحوم يامن مات والكل يبكيه

اقفت ترى روحه وعقلي وراها

..
راعي الكرم والجود محد(ن) يساويه

ابوعلي نفسه بعيد(ن) مداها

..
بطلب له اللي مابعد خاب راجيه

يلطف بروحه ثم يكرم ثواها

..
ويجعل له المارد من الحوض يسقيه

يحيي بها روحه ويروي ضماها

..
ويجعله مع صفو المخاليق يدعيه

ويجعل له الفردوس دار(ن) رضاها

..
حقه علي في كل لحظة انا اهديه

دعوات من قلبـ(ن) صدوقـ(ن) دعاها

..
هذا قصيدي رغم حزني انا ارجيه

يجبر عزيز(ن) هم روحه شقاها

.

♦ إبتهال وطلب شفاء ريان♦

بــديت بســـــــم الله وحــنا عبــــيــدة .♦. الواحــــد المعـــــــبود يســار الاعــــسار

منـجي خليلة وســـط نار(ن) وقـــيدة .♦. برد(ن) جــعـلها مع ســلام(ن) وهي نـار

ثـــــعبان واخـــرجـها لموسى عنـيـدة .♦. عــــصا وبــمره ابطــــلت كــــيد ســــحار

على البــحــر يمشي وخـلـفه طــريدة .♦. وساعة وصل فــرعـــون وسط البحر ثـار

ويوسف رمـوه بكل غــدر ومــكــيدة .♦. وفـي الجـــب يــسر له جمــاعة وســــيار

وريـان اخـــوي الـــيوم حـالـة شـدـيدة .♦. ولا الـه الا انت يالــــــــواحد الــــــــــــبار

طـــــب الـــدكاتر ماهـــــقـيـته يـفـيـدة .♦. بـــمرك يــــــزول الباس والــــــكون يندار

تلـطف بحــــــالـة وتـاخذ الـيـوم بـيـدة .♦. ياشــــــــافي (ن) ايوب من كـل الاضــرار

وتـكـتـب له يـاربي حـــياة(ن) جـديـدة .♦. يســـعد بهــا ويســـعد مـــــعـه كل مــــحتار

انت الـذي تعـــطـي عـطــــايـا فـريـدة .♦. نرجــــي فـــــرج منُك وافضــــالك اكــــثار
اللـي شـكـر من فــضـل خيرك تزيـدة .♦. يامـــعــطي الجنــــــــة عســـــــــاها لنا دار

█▌ حزين أنا..

حزين انا وطول الليالي تبكين

وماظن بقى بالعين ياناس دمعه

••

على حبيب لا ذكرته من سنين

راح وتركني ارتجي منه جمعه

••

زين الوصايف في حبيبي عناوين

من كل خصله ماخذ الزين طبعه

••

انا اعرف انه يقدر ويغلين

هو هوى قلبي وشوفه وسمعه

••

عشاق مايمكن من الحسد خالين

لنار درب الحب يطفون شمعه

••

يالله لا تبقي عواذل حسودين

دروب توديهم على غير رجعه

••

الناس من حولي ولا من يسلين

صار الحزن وياي والضحك صنعه

••

..غالي علي بالحيل حبك وتدرين..

غالي علي بالحيل حبك وتدرين

نورالقمر والشمس اشوفه انا فيك

**

لك وحشه(ن) لاغبت عن ناظر العين

ولك رهبه(ن) لا صرت جنبي احاكيك

**

اعميت عيني عن جميع المزايين

ياسارق(ن) قلبي على الله ابشكيك

**

ضعيف انا يابنت مخلوق من طين

ولوني حديد(ن) ينتهي بين اياديك

**

ضاع الوفاء واخلفت عهد المحبين

وضاعت ليال الحب وضاعت مباديك

**

ماهمني موتي ولا ارجيك تبكين

الموت موت القلب اشوفه انا فيك

**

عانيت مر اللي مضى لي ويكفين

اموت انا واحياء الى اوحيت طاريك