غالي علي بالحيل حبك وتدرين
نورالقمر والشمس اشوفه انا فيك
**
لك وحشه(ن) لاغبت عن ناظر العين
ولك رهبه(ن) لا صرت جنبي احاكيك
**
اعميت عيني عن جميع المزايين
ياسارق(ن) قلبي على الله ابشكيك
**
ضعيف انا يابنت مخلوق من طين
ولوني حديد(ن) ينتهي بين اياديك
**
ضاع الوفاء واخلفت عهد المحبين
وضاعت ليال الحب وضاعت مباديك
**
ماهمني موتي ولا ارجيك تبكين
الموت موت القلب اشوفه انا فيك
**
عانيت مر اللي مضى لي ويكفين
اموت انا واحياء الى اوحيت طاريك
ليست هناك تعليقات:
إرسال تعليق